اساسيات كتابة استئناف صحيح 


اساسيات ف كتابة اي استئناف ايا كان مدني تجاري شرعي لو اتعلمتها صح هتكتب استئناف محترم بعيد عن الصيغ الجاهزه ال عمرها ما هتخليك من عظماء ا
; اولا تخلي بالك من مواعيد الاستئناف يعني بنستأنف خلال اربعين يوم من تاريخ صدور الحكم او اعلانه وفي حالة اعلان الصحيفة اداري ولم يعلن بها المحكوم ضده علما يقينا تفتح امامه مواعيد الاستئناف من يومه علمه بالحكم كما ورد بقانون المرافعات
ثانيا:هتكتب صحيفة الاستئناف طبقا لما نصت عليه الماده 63 مرافعات يعني اسم المستأنف ولقبه ومهنته ومحله المختار وموطنه واسم المستأنف ضده وكافة بياناته زي صحيفة أول درجه
خلاص خلصنا من تاني خطوه ندخل ع تالت خطوه ودي مهمه اوي وفي ياما محامين كتير خسروا قضايا بسببها
# نص الماده 230 مرافعات والماده دي بتشترط ان تشتمل صحيفة الاستئناف على بيان الحكم المستأنف وتاريخه واسباب الاستئناف والطلبات والا كانت الصحيفه باطله يعني لو حضرتك ياوزير مركزتش الخصم هيدفع ببطلان صحيفة الاستئناف عشان كده هتلاقي الاساتذه الكبار بعد ما يكتبوا في صحيفة الاستئناف مخاطبا مع /
الموضوع : بيبدأ يوضح لمحكمة الاستئناف ايه هو الدعوى والحكم ال بيطعن عليه
فبنكتب :بتاريخ 5/1/2019 قضت محكمة مدني كلي في الدعوى رقم ... لسنة 2019 المرفوعه من المستانف ضده ( وبنذكر منطوق الحكم بتاع اول درجه )
وبعد كده بنلخص لمحكمة الاستئناف ملخص ما تم في الدعوى امام محكمة اول درجه
فمثلا بنكتب :وحيث ان وقائع الدعوى وعلى مايبين الحكم المستأنف وعلى سائر اوراق الدعوى تتحصل في ان المستأنف ضده اقام دعواه ...(موجز للدعوي )
وبعد كده بتذكر الدفوع التي أثيرت من قبل االمستأنف والتفتت عنها محكمة اول درجه ثم تكتب وحيث ان هذا الحكم جاء مجحفا بحقوق المستانف ومخالفا للواقع والقانون فانه يستانف للاسباب الاتيه ..
ازاي اكتب الاسباب
خد االقواعد دي واحفظها صم وافهمها كويس دي القواعد ال بيمشي عليها اي محامي محترم عايز يكتب استئناف يرضي ربنا
اولا؛ اطلع ع اصل صحيفة دعوى اول درجه المودعه بملف الدعوي مش ال معلنه لموكلك
2- بعد ما تتطلع عليها تتطبق عليها المواد 9،10،11،13 وتشوف هل حضور موكلك حضور يصحح اي بطلان امام محكمة اول درجه ام انه الحضور الذي لا يصحح البطلان
3- تتطلع ع مسودة الحكم الاصليه وتطبيق ما نصت عليه المواد 175:176:178 وفي الثلاث مواد دول يامحمد هتلاقي كل ال انت عايزه
يعني هتشوف لو حكم اول درجه مش موقع من الرئيس والقضاه يبقا الحكم باطل طبقا لنص الماده 175 وبعد كده تشوف الحكم مسبب ولا لا
وبعد كده تشوف الشروط الشكليه للحكم اللي اشترطتها الماده 178 مرافعات يعني المحكمه اللي اصدرت الحكم وتاريخ اصداره ومكانه ونوع الدعوي مدتي تجاري مستعجل واسماء القضاه واسماء الخصوم والقابهم وصفاتهم يعني مدعي ولا مدغي عليه وموطنهم وحضورهم وغيابهم وكل دي حاجات تخليك تدفع ببطلان حكم اول درجه
كمان بقا ركز عارف الاخلال بحق الدفاع والقصور في التسبيب والفساد في الاستدلال كاسباب للطعن ع الحكم موجودين ف المادة 178 ذاكرها كويس عشان تعرف تبين العوار ال ف الحكم
#المهم خلي بالك عشان الناس ال بتاخد الاستئناف كوبي من ع النت ولا اي صيغه من أي كتاب بينسوا خاجه مهمه في ترتيب دفوعهم واسبابهم في صحيفة الاستئناف
لما تيجي ترتب دفوعك في صحيفة الاستئناف اوعي تنسى تبدأ بالدفوع الشكليه وبعد كده الدفوع الموضوعيه لانك اي دفع شكلي هتنسى تكتبه ف صحيفة الاستئناف مش هينفع تدفع بيه امام المحكمه خلاص سقط حقك في ان تبديه امام المحكمه
متنساش كمان تخلي محام استئناف يوقع ع الصحيفه واهم حاجه عشان دلوقتي ممكن يتحددلك اول جلسة استئناف بعد اربع شهور خلي بالك انك لازم تعلن الصخيفة في خلال 3 شهور من تاريخ رفعها والا اعتبر الاستئناف كأن لم يكن باقي التفاصيل الصغيره والمهمه اللي بيشتغل عليها كبار المحامين زي اسباب الاستئناف وايه هو القصور في التسبيب وعيوب التسبيب والتناقض بين الاسباب والمنطوق وصور القصور في التسبيب والفساد في الاستدلال والخطأ في تطبيق القانون وتأويله والاخلال بحق الدفاع وايه هو الاثر الناقل للاستئناف وتفاصيل تاني كتير تخليك برنس في كتابة اي استئناف
تحياتي :- محامي الغلابة
 
معلومة تهمك
كاتب ومحرر اخبار اعمل في موقع معلومة تهمك .

جديد قسم : قانوني

إرسال تعليق